Achub Un o bob Chwech
Mae’r DU yn enwog am ei bywyd gwyllt anhygoel, ond mae’r pwysau cynyddol ar ein bywyd gwyllt yn golygu bod un o bob chwe rhywogaeth mewn perygl o ddiflannu o Brydain Fawr, ac yng Ngogledd Iwerddon, mae 12% o rywogaethau mewn perygl o ddiflannu’n llwyr.
On this page
Dychmygwch pe bai ein clogwyni môr yn tawelu ac nad oeddent bellach yn llawn adar môr fel y Gwylanod Coesddu a’r Palod yn creu stŵr. Gallai awyr yr haf fod yn wag o’r Wennol Ddu, a chân y Gylfinir yn hen hanes o amgylch ein hucheldiroedd.
Yn ôl Adroddiad Sefyllfa Byd Natur 2023, mae'r DU bellach yn un o'r gwledydd lle mae byd natur wedi dirywio fwyaf ar y Ddaear. Mae’r Alban mewn perygl o golli un o bob naw rhywogaeth, gyda Chymru’n wynebu colled bosibl o 18% o rywogaethau.
Mae’n amlwg bod angen i ni wneud llawer mwy i achub ein bywyd gwyllt cyn iddi fynd yn rhy hwyr. Rydym ni’n gweithredu i helpu i achub tua 100 o rywogaethau, neu grwpiau o rywogaethau, sydd fwyaf mewn angen.
Dim ond gyda’ch help chi y mae ein gwaith yn bosibl.
Gyda’ch help chi, gallwn fynd â natur sydd dan fygythiad i ffynnu
Gyda’ch help chi, gall natur ffynnu eto
Y Gylfinir
Roedd y Gylfinir yn wynebu’r risg o ddiflannu’n llwyr yng Ngogledd Iwerddon. Drwy greu cynefin nythu a monitro cywion, mae prosiect Cri’r Gylfinir wedi rhoi gobaith i’r rhywogaeth.
Adar Drycin Manaw
Ar ynysoedd fel Ynys Dewi, Ynys Wair (Lundy), a St Agnes a Gugh, mae eich cefnogaeth chi wedi helpu i adfer niferoedd Adar Drycin Manaw ar ôl cael gwared ar lygod mawr ysglyfaethus sy’n ysbeilio eu hwyau a’u cywion.
Llyffant y Twyni
Mae Llyffant y Twyni yn un o’n hamffibiaid prinnaf; mae’r pyllau tywod bas y maent yn magu ynddynt yn brin. Mae creu pyllau magu newydd ar warchodfeydd yr RSPB wedi helpu’r niferoedd i gynyddu dros y blynyddoedd diwethaf.
Llymrïaid a Phalod
Mae niferoedd y Wylan Goesddu a’r Pâl wedi gostwng yn aruthrol wrth i Lymrïaid ddiflannu o’n moroedd. Ond ar ôl 25 mlynedd o ymgyrchu, gyda chefnogaeth cefnogwyr fel chi, mae llywodraethau’r DU a’r Alban wedi cytuno o’r diwedd i roi terfyn ar bysgota llymrïaid diwydiannol yn nyfroedd yr Alban a Môr y Gogledd yn Lloegr.
Y Wennol Ddu
Mae’r Wennol Ddu bellach yn ymddangos ar y Rhestr Goch o adar sy’n peri pryder cadwraethol. Rydym wedi gweithio mewn partneriaeth â Barratt Developments PLC, sydd wedi gosod dros 5,000 o frics ar gyfer Gwenoliaid Duon yn eu hadeiladau newydd i’w hannog i nythu yn ein trefi a’n dinasoedd.
Y Durtur
Mae ein tîm Ymgyrch y Durtur yn gweithio gyda dros 370 o ffermwyr i ddarparu mwy o lwyni ar gyfer nythu ac ymylon caeau sy’n gyforiog o hadau ar gyfer bwydo. Oherwydd gwaharddiad estynedig ar hela mewn rhannau o dde-orllewin Ewrop, rydym nawr yn gobeithio croesawu mwy o barau i’n glannau.
Llygod y Dŵr
Mae Llygod y Dŵr wedi diflannu o 94% o’r mannau lle roedden nhw’n arfer ffynnu, oherwydd ysglyfaethu a cholli cynefinoedd. Mewn partneriaeth â Cumbria Connect, Ymddiriedolaeth Afonydd Eden, ac Asiantaeth yr Amgylchedd, rhyddhawyd 204 o Lygod y Dŵr a fagwyd mewn caethiwed yn Wild Haweswater y llynedd.
Cyfrannu i achub bywyd gwyllt
Gallai eich cyfraniad neu rodd cyson warchod tua 100 o rywogaethau blaenoriaeth a bod o fudd i lawer mwy o rywogaethau, yma yn y DU a ledled y byd.